Paraqitet në polici për plaçkitjen që ka bërë vetë!

Brejtja e ndërgjegjes për aktin e kryer e kishte shtyrë atë që pas 21 muajsh të denonconte veten

21 muaj pasi kishte bërë një plaçkitje në një kioskë në Derndingen të Solothurnit, një zviceran 25 vjeçar është paraqitur vullnetarisht në polici për të pranuar veprën. I riu me brejtje të ndërgjegjes tashmë është denoncuar në prokurori.

Në mars të vitit 2010, i maskuar, ai kishte sulmuar kioskën në mbikalimin e hekurudhës, dhe, duke i drejtuar armën, i kishte kërkuar shitëses para. Por, ai kishte ikur pa pasur mundësi të merrte paratë e kërkuara.

Lidhur me paraqitjen e hajnit të pafat në polici, një zëdhënëse ka thënë për mediet zvicerane se “brejtja e ndërgjegjes e kishte shtyrë atë të denonconte veten”.