Parashikimi nga Exit Poll: Garë e nxehtë në Prishtinë

(AP Photo/Visar Kryeziu)

Në minutën e parë që zyrtarisht mbyllen të gjitha vendvotimet në Kosovë – në orën 19:00, do të publikohen rezultatet e EXIT POLL të Albanian Post për raundin e dytë të Zgjedhjeve Lokale në Kosovë.

Bashkë me Institutin “Source”, Albanian Post do të sjellë rezultatet e para në Komunat e Kosovës me fillim në orën 19:00, përcjell albinfo.ch.

Drejtori Baton Haxhiu tregon se procesi i EXIT POLL është duke u realizuar njëjtë si në herën e fundit, në zgjedhjet e 17 tetorit.

Ai ka treguar se në terren janë 80 anketues, të cilët po anketojnë qytetarë pasi kanë kryer procesin e votimit, me një sistem “real time”, në kohë reale, ku të dhënat për votën e tyre procesohen menjëherë në data bazën, ku po mblidhen të dhënat nga të gjitha komunat.

“Garë e nxehtë në tri komuna, në Prishtinë nuk dihet fituesi deri në momentin e fundit, sepse është garë shumë e ngushtë”, ka deklaruar Haxhiu.