Parlamenti Evropian miraton 6 miliardë për migracionin dhe papunësinë

Parlamenti Evropian arriti një marrëveshje mbi ndarjen e gjashtë miliardë eurove nga buxheti i BE-së deri në vitin 2020, thuhet në një deklaratë, përcjell albinfo.ch.

Nga kjo shumë, 3.9 miliardë € do të ndahen për zgjidhjen e problemit të migrimit: mbi 2.5 miliardë do të shkojnë në çështjet që lidhen me migracionin brenda Bashkimit Evropian dhe 1.39 miliardë dollarë për të luftuar migriacionin nga jashtë.

Pjesa e mbetur prej 2.1 miliardë euro do të ndahen për punë dhe rritje, dhe pjesa më e madhe e fondeve do të shkojnë për të mbështetur nismën për punësimin e të rinjve 2017-2020. Fondet do të alokohen për infrastrukturën e transportit, programet kërkimore, mbështetje për ndërmarrjet e vogla dhe të mesme dhe “Erasmus +”.