Parlamenti gjerman lejon 100 miliardë euro për ushtrinë

Paratë do të përdoren për të blerë pajisje më të mira për forcat e armatosura gjatë disa viteve të ardhshme. Këtu përfshihen avionë, tanke dhe municione, pajisje etj.

Me një ndryshim në Ligjin Themelor (Kushtetutës) Bundestagu i Berlinit i ka hapur rrugën investimit të miliarda eurove në forcat e armatosura gjermane. Deputetët votuan me shumicë të madhe për të përfshirë një paragraf të ri në Kushtetutën gjermane, raporton dpa.de.

567 vota pro kundrejt 491 kundër, kanë mjaftuar për këtë. Neni i ri rregullon që kreditë deri në 100 miliardë euro mund të merren për Bundeswehr-in pa frenimin e borxhit, transmeton albinfo.ch. Që ndryshimi të hyjë në fuqi, këtë duhet ta miratojë edhe Këshilli Federal me dy të tretat e shumicës.

Paratë do të përdoren për të blerë pajisje më të mira për forcat e armatosura gjatë disa vjetëve të ardhshme. Këtu përfshihen avionë, tanke dhe municione, por edhe pajisje personale të ushtarëve, si aparate për shikim natën ose radio.

Për shkak se i ashtuquajturi fond special do të financohet me kredi dhe duhet të anashkalojë frenimin e borxhit, është dashur të ndryshohet Kushtetuta. Për këtë, koalicioni ishte i varur nga votat e opozitës.

---