Parlamenti i St. Gallenit voton për ndalimin e mbulesës-së fytyrës

Por, me këtë ende nuk është përfundimtar vendimi për ndalimin e mbulesës. Parlamenti do të votojë për të dytën herë në muajin nëntor lidhur me këtë çështje

Këshilli (Parlamenti) i Kantonit të St. Gallenit ka miratuar me shumicash (59 kundreejt 54) në leximin e parë qëndrimin për ndalimin e mbulesës religjioze islamike të grave. Vendimi do të vlejë vetëm për “personat e mbuluar të cilët e kërcënojnë ose rrezikojnë sigurinë publike apo paqen religjioze dhe shoqërore”, thuhet në tekstin përkatës, shkruan sda.ch.

Por, me këtë ende nuk është përfundimtar vendimi për ndalimin e mbulesës. Parlamenti do të votojë për të dytën herë në muajin nëntor lidhur me këtë çështje.

Ndërkohë, Qeveria e Kantonit është shprehur kundër ndalimit të mbulesës, transmeton albinfo.ch. Ajo ka propozuar, në vend të kësaj, që personat në rastet e kontaktit me autoritetet të heqin mbulesën që pengon të shihet fytyra.

Por, një gjë e tillë për iniciatorët e mocionit, partinë SVP, është shumë e pamjaftueshme në krahasim me qëllimin që ata kanë pasur. Kësaj partie, në votim i është bashkuar edhe CVP-ja. Kundër kanë qenë deputetët e FDP-së, GLP-së, SP-së dhe të Gjelbrit, përcjell albinfo.ch. Ata e kanë quajtur këtë ndalesë si një gjest me peshë thjesht simbolike, që nuk mund të jetësohet në praktikë

Në Zvicër deri më tash vetëm Kantoni i Tiçinos e ka ndaluar mbulesën e plotë islame të grave (burka). Në nivel federal së voni është pranuar për votim popullor iniciativa e grupimit rreth deputetit nacional të SVP, Walter Wobmann për një ndalim të tillë. Në Dhomën e Kantoneve po kjo iniciativë kishte dështuar ndërsa në atë nacionale ishte votuar me një shumicë të ngushtë.