Partia e djathtë inkurajon vrasjen e ujqërve në Zvicër

Partia populiste e Popullit Zviceran (SVP) nuk është e huaj për polemikat, si dhe pikëpamjet ekstreme për tema që variojnë nga imigrimi te kafshët e egra (anëtarët e partisë janë kundër të dyjave), përcjell albinfo.ch.

Të enjten, SVP mori një qëndrim të ashpër ndaj rreth 300 ujqërve që jetojnë në 31 tufa në fshatrat e Zvicrës.

Duke argumentuar se këta ‘grabitqarë sulmojnë dhe vrasin rregullisht delet, viçat dhe qengja, partia njoftoi nisjen e lojës së saj të re në internet të quajtur ‘Stop the Wolf’, ku lojtarëve u kërkohet të vrasin sa më shumë prej këtyre mishngrënësve që të munden.

“Duhet të zbatohet toleranca zero [ndaj ujqërve]”, tha zëvendësi i SVP, Michael Graber. “Njerëzit dhe bagëtitë duhet të mbrohen nga sulmet e ujqërve, duke përfshirë të shtënat parandaluese”.

Eshtë e panevojshme të thuhet se ky njoftim shkaktoi një valë kritikash.

Rreth 48,000 njerëz nënshkruan një peticion për të denoncuar vrasjen e ujqërve, me lobin pro ujqërve, duke theksuar se kjo kafshë “mbetet një specie e mbrojtur dhe mbrojtja e saj duhet të garantohet”.