Pas Gjermanisë, këto janë vendet e tjera që pritet t’i njohin patentetë shoferët e Kosovës

(KEYSTONE/Gaetan Bally)

Sot Gjermania ka marrë vendim për njohjen e patentë shoferëve të Kosovës.

Lidhur me këtë ka reaguar ministri i Punëve të Brendshme të Kosovës, Xhelal Sveçla, i cili e ka përshëndetur këtë lajm.

“Një lajm i mirë për Kosovën dhe qytetarët tanë në Gjermani. Në mbledhjen e Bundesratit gjerman, sot është votuar njohja e ndërsjellë e patentë shoferëve mes Republikës Federale të Gjermanisë dhe Republikës së Kosovës”, ka shkruar ai.

Po ashtu ai ka paralajmëruar se në këtë jave do të këtë nisma të tjera me vende të tjera.

“Këtë javë ne kemi marrë aprovimin e Qeverisë sonë për nismat e marrëveshjeve të tilla edhe me Turqinë e Kanadanë dhe jemi në proces me Italinë e Austrinë dhe, natyrisht, do të njoftoheni me të gjitha proceset që do të nisim apo që i finalizojmë”, përfundoi ministri.