Pas referendumit grek, bie vlera e euros

Keystone

Kursi i këmbimit të euros në tregjet valutore ndërkombëtare të hënën në mëngjes ka shënuar rënie kundrejt dollarit amerikan si rezultat i referendumit të së dielës në Greqi, me të cilin nuk është pranuar propozimi i kreditorëve për ndihmë financiare shtesë në këmbim të kursimeve të reja.

Në tregjet e huaja kursi i këmbimit euro kundrejt dollarit ka rënë në 1.1048 dollarë për euro.

Greqia aktualisht nuk ka para të mjaftueshme për të financuar detyrimet e saj të brendshme dhe të jashtme dhe partnerët nga eurozona dhe gjithë Bashkimi Evropian ofrojnë reforma të reja në këmbim të paketës së tretë financiare për vendit.
Megjithatë, grekët me shumicë hodhën poshtë propozimet e kreditorëve. Menjëherë pas referendumit të dielën në mbrëmje, kur u bë e qartë se do të fitojë opsion “Jo”, kursi i këmbimit të dollarit ra nën 1.1 dollarë për euro.
Të hënën ministri grek i Financave, Janis Varufakik, papritur dha dorëheqjen.