Pas sulmeve, policia ka gjetur edhe mjete tjera shpërthyese

Në Bruksel janë kontrolluar edhe objekte të tjera të dyshimta, të cilat pastaj i janë nënshtruar shpërthimit të kontrolluar

Sulmin terrorist në aeroportin e Brukselit duhet ta kenë realizuar dy atentatorë vetëvrasës, thotë prokurori shtetëror i Belgjikës. Ndërkohë autoritetet janë në kërkim të një personi të tretë të dyshuar për pjesëmarrje në këtë sulm. Konsiderohet se ai ka ikur nga aeroporti, shkruan srf.ch

Policia gjatë një bastisjeje të një banese ka gjetur një bombë tjetër dhe e ka neutralizuar atë, ka deklaruar për medie, guvernatori i provincës. Veç kësaj, në Bruksel janë kontrolluar edhe objekte të tjera të dyshimta, të cilat pastaj i janë nënshtruar shpërthimit të kontrolluar. Shpërthimet në vazhdim që janë dëgjuar nga larg, kanë ardhur si rezultat i këtij veprimi

Aeroporti në Bruksel pritet të qëndrojë i mbyllur së paku deri në mesditën e të mërkurës (sot).