Patatja e Kosovës, ul çmimin e saj në Serbi

Eksporti i patates së Kosovës ka ulur çmimin e saj në Serbi, i cili është madje për 30 për qind më i lartë se në Evropë.Sipas gazetës “Politika” prodhuesit e patates nga Kosova, e shesin atë në Serbi për 38 centë kg, gjë që pa këto sasi çmimi me shumicë në Serbi qëmoti do të ishte mbi 60 dinarë (rreth 60 centë).

Kosovarët sipas gazetës e furnizojnë edhe tregun e Shqipërisë me rreth 7.000 tonë.Tregun evropian thuhet se ka çrregulluar kërkesa e madhe nga Rusia, e cila që në vjeshtë ishte rreth katër milionë tonë. Ditë më parë, shumë kamionë nga Serbia janë vërejtur të ngarkuar me patate në Pestovë të Vushtrrisë, që është prodhues i madh i kësaj kulture bujqësore.