Pejë: Një 20-vjeçare gjendet pa shenja jete

Rrethanat e vdekjes ende të paqarta

Një 20-vjeçare është gjetur mëngjesin e sotëm në Pejë, sipas raportit të Policisë së Kosovës, përcjell albinfo.ch.

Rasti është cilësuar si “Vdekje e dyshimtë” dhe trupi i të ndjerës është dërguar në IML për obduksion.

“Më datën 2 shtator 2019, rreth orës 07:15 Policia e Kosovës është informuar se në rrugën ‘Ali Pashë Tepelena’ në Pejë, në tarracën të katit shtatë të një banese ishte një person – femër pa shenja jete”.

“Menjëherë njësitet relevante të Policisë së Kosovës kanë dalë në vendin e ngjarjes dhe në koordinim të plotë me Prokurorin e Shtetit kanë ndërmarrë të gjitha veprimet e nevojshme operative-hetimore”.

“Ekipi mjekësor ka konstatuar se viktima, B.L. e lindur 1999, kishte ndërruar jetë në vendin e ngjarjes. Në koordinim të plotë me Prokurorin e Shtetit, rasti është cilësuar si ‘Hetim i vdekjes’ dhe do të zhvillohen hetime intensive për të sqaruar të gjitha rrethanat rreth këtij rasti. Me urdhër të Prokurorit, trupi i viktimës dërgohet në Institutin e Mjekësisë Ligjore për obduksion”.

---