Pensionisti i armatosur barikadohet dhe qëllon me armë nga shtëpia e vet

Në mbrëmje ai ka shkrepur një herë nga arma, ka thënë për media një zëdhënës i Policisë Kantonale të Cyrihut. Ndërsa para kësaj ai e kishte kërcënuar me fjalë një person

Keystone

Një person i armatosur 74 vjeçar është barrikaduar që që nga mëngjesi i të enjtes (tashmë mbi 24 orë) në shtëpinë e tij në Uster të kantonit të Cyrihut, shkruan srf.ch. Ky veprim ka bërë që një numër i madh i policëve të angazhohen për të siguruar vendin dhe për të bërë përpjekje për kapjen e personit në fjalë.

Në mbrëmje ai ka shkrepur një herë nga arma, ka thënë për media një zëdhënës i Policisë Kantonale të Cyrihut. Ndërsa para kësaj ai e kishte kërcënuar me fjalë një person, transmeton albinfo.ch. Deri tash nuk ka asnjë të lënduar.

Policia po mban kontaktin me pensionistin që është i sëmurë nga demenca, por deri tash nuk ia ka dalë ta bindë që të dorëzohet. Fillimisht, policia e ka bërë një bllokim të gjerë të vendit në të cilin po ndodh barrikadimi ndërsa më vonë e ka hequr atë në shumicën e hapësirës. Por, deri në këto momente, policët nuk e kanë vlerësuar si të arsyeshme që të depërtojnë me dhunë në shtëpinë ku po qëndron i ngujuar 74 vjeçari.