Për 10- vjetor, Thaçi dekoron deputetët e pavarësisë

Me Medaljen Presidenciale Thaçi ka dekoruar të gjithë deputet që votuan dhe nënshkruan deklaratën e pavarësisë së Kosovës

Në jubileun e pavarësisë së Kosovës, presidenti Hashim Thaçi ka dekoruar shumë personalitet vendore e ndërkombëtare me medalje të meritave, për kontributin që kanë dhënë për lirinë dhe pavarësinë e Kosovës. Po ashtu me Medaljen Presidenciale Thaçi ka dekoruar të gjithë deputet që votuan dhe nënshkruan deklaratën e pavarësisë së Kosovës.

“Presidenti i Republikës së Kosovës, Hashim Thaçi, bazuar në kompetencat e tij ligjore dhe kushtetuese, ka dekoruar me Medaljen Presidenciale në 10-vjetorin e Pavarësisë të gjithë deputetët që më 17 shkurt 2008, votuan dhe nënshkruan deklaratën e pavarësisë së Kosovës”, thuhet në njoftimin e Presidencës.

Ndryshe, në dekorimin e Thaçit me Medalje Presidenciale në 10-të Vjetorin e Pavarësisë janë politikanë, dëshmorë, atdhetarë të çështjes kombëtare, organizata të ndryshme humanitare, media e gazetarë. Në listën e dekoruarve ka edhe rivalë politikë të Hashim Thaçi, po që ai me këtë rast nuk i ka ndarë.