Për herë të nëntë vjen „Swikos 2015“ në Bazel

Qyteti i Bazelit për të nëntën herë do të jetë nikoqir i Festivalit të Filmit të shkurtë SWIKOS

„Swikos“ është festivali shqiptaro-zviceran i filmit të shkurtër, i cili do të mbledhë bashkë sërish në Bazel të Zvicrës regjisorë, skenaristë dhe producentë filmash nga Kosova, Shqipëria, Zvicra , Gjermania dhe Franca që garojnë për shtatë çmimet e festivalit, i cili përmbyllet më 14 nëntor, me ceremoninë e ndarjes së çmimeve.

Duke filluar nga 13 nëntori për dy ditë ditë resht do të prezantohen 14 projekte filmike të regjisorëve zviceranë dhe 7 të atyre ndërkombëtar.

„Swikos“ do të mbahet edhe këtë herë në sallën “Stadt Casino” të Bazelit, ndërsa hyrja për të shikuar filmat është pa pagesë.

Filmi kosovar i Lindita Zeqirajt ishte fitues i edicionit të kaluar të Festivalit të Filmit te shkurtë SWIKOS në Basel të Zvicrës

Swiss Kos Art është një Organizatë Kulturore e themeluar në prill të vitit 2007, ku për qëllim ka përafrimin apo edhe shkembimin ndërkulturor zviceran me atë kosovarë, gjegjësisht shqiptar. Kjo organizatë, pos festivalit Swikos, merret edhe me organizimin e ngjarjeve të tjera kulturore kosovare-shqiptare në Zvicër.