Për katër vite radhazi, Cyrihu renditet i pari në Indeksin global të IMD Smart City

Kjo është hera e 4-të radhazi që qyteti i Cyrihut është renditur i pari në Indeksin global të IMD Smart City.

Cyrihu ka marrë kryesimin në Indeksin e Qytetit Smart IMD për të katërtin vit, nga 141 qytete të anketuara, ndërkohë që Lausanne zuri vendin e 5-të dhe Gjeneva të 9-të, shkruan albinfo.ch.

Indeksi, i prodhuar nga Observatori i Qytetit Smart, pjesë e Qendrës Botërore të Konkurrencës IMD, ndryshon nga të tjerët duke qenë i përqendruar te qytetarët.

Ai kombinon të dhëna të forta dhe përgjigjet e anketave për të treguar shkallën në të cilën teknologjia po u mundëson qyteteve të adresojnë sfidat me të cilat përballen për të arritur një cilësi më të lartë të jetës për banorët e tyre.

Qytetet aziatike dhe evropiane dominojnë në 20 vendet e para, nga 141 qytete të studiuara. Nga kjo ‘20 më e mirë’, gjashtë qytete kanë përmirësuar vazhdimisht performancën e tyre që nga viti 2019. Këta të ashtuquajtur “super-kampionë” në raportin e Indeksit janë Cyrihu, Oslo, Singapori, Pekini, Seuli dhe Hong Kongu. Gjetjet e vitit 2023 tregojnë gjithashtu rritjen e “zgjuarësisë” së qyteteve të nivelit të dytë si Montreali, Denveri, Lozana dhe Bilbao.

 

---