Vazhdon gjykimi rreth mashtrimeve me listat e veteranëve

Të akuzuarit për mashtrime me listat e veteranëve në Kosovë janë deklaruar të pafajshëm në vazhdimin e seancës gjyqësore.  

Ish-kryeministri i Kosovës, Agim Çeku, ministri i Mbrojtjes, Rrustem Berisha, deputeti Shkumbin Demalijaj si dhe të akuzuarit e tjerë janë të akuzuar se në cilësinë e anëtarëve të Komisionit për verifikimin e statusit të veteranëve dhe invalidëve të UÇK-së i kishin keqpërdorur pozitën e tyre zyrtare. 

Gjykatësja Nushe Kuka-Mekaj i ka njoftuar ata dhe mbrojtësit se kanë afat deri më 15 prill 2019 që të paraqesin kërkesat për hedhjen e aktakuzës apo kundërshtimin e provave, përcjell albinfo.ch.

Gjykatësi po ashtu ka paralajmëruar se vendimi i gjykatës për masën e përkohshme për pezullimin e pensioneve të 19 mijë e 500 veteranëve do të vendoset jashtë seancës dhe do t’u dërgohet palëve me shkrim. Por, nëse gjykata do të pezullojë pensioneve, organizata e Veteranëve të UÇK-së ka paralajmëruar protesta.