Përfundon i ftohti në Zvicër

(KEYSTONE/Valentin Flauraud)

Ashtu si edhe në shumë vende të Evropës, edhe Zvicra ‘përjetoi’ të ftohtin me temperatura të ulëta, që në disa vende arriti edhe deri në -15 gradë Celsius.

Në Cyrih, temperaturat minimale janë regjistruar prej -13.4 ° C, -8.1 ° C në Gjenevë dhe -14.6 në Bernë, shkruan albinfo.ch.

Temperaturat të mërkurën ishin nga -1 gradë Celsius, duke arritur deri në 5 gradë Celsius në pjesën më të madhe të Zvicrës, derisa këto temperatura do të rriten gjatë ditëve në vazhdim, duke arritur 10C deri të dielën, sipas “MeteoNews”.

Rritja e temperaturave do të jetë më e dukshme në viset malore, ku nga -20 ° C, të mërkurën, të enjten pasdite ato do të arrijnë në 0 ° C.