Përfundon pa rezultat aksioni i EULEX-it në veri

EULEX-i, i mbështetur nga KFOR-i, ka qëndruar sot në veri për të mbledhur fakte në vendin ku u vra pjesëtari i njësisë speciale ROSU

Janë zhbllokuar rrugët në veri të Kosovës, të cilat ishin bllokuar paradite nga serbët lokalë pasi EULEX-i, i përcjellë nga KFOR-i kishin shkuar atje për të hetuar rreth ngjarjeve të korrikut. Rrugët janë liruar vetëm pasi rreth 50 vetura të EULEX-it janë kthyer në drejtim të pjesës jugore të Mitrovicës. Serbët hoqën barrikadat pas një ore vetëm pasi i gjithë personeli i EULEX-it u tërhoq mbrapa. EULEX-i, i mbështetur nga KFOR-i, ka qëndruar sot në veri për të mbledhur fakte në vendin ku u vra pjesëtari i njësisë speciale ROSU, Enver Zymberi, i ka thënë KTV-së zëdhënësi i EULEX-it, Anne Blanksma. Ai ka shtuar se hetimet për vrasjen e policit janë hetime të përbashkëta të EULEX-it dhe Policisë së Kosovës.