Përfundon pastrimi në tunelin Gotthard

(KEYSTONE/Gaetan Bally)

Ka përfunduar puna e pastrimit dhe riparimit në tunelin Gotthard pas daljes nga shinat e një treni mallrash më 10 gusht. 30 vagonët janë nxjerrë nga tuneli dhe janë evakuuar të gjitha mallrat dhe pjesët e dëmtuara të objektit.

Disa qindra specialistë kanë qenë të zënë javët e fundit në 8 km të pjesës së prekur nga aksidenti i 10 gushtit. Përveç riparimeve, ka përfunduar edhe puna e pastrimit, njoftoi të dielën SBB, shkruan RTS.

Pjesa tjetër do të ketë të bëjë me vëzhgimin e detajuar të dëmeve, deri në mes të tetorit dhe planifikimin e punimeve restauruese. Këto do të zgjasin disa muaj.

Dalja nga shinat në tubin perëndimor të tunelit ka shkaktuar dëme të konsiderueshme materiale. Trafiku i mallrave rifilli gradualisht nga 23 gushti, përmes tubit lindor, por edhe përmes kreshtës Gotthard, përcjell albinfo.ch.