Përkujtohen të rënët në masakrën e Izbicës

Presidenti i Kosovës, Hashim Thaçi dhe kryeministri i Kosovës, Ramush Haradinaj kanë përkujtuar masakrën e Izbicës në të cilën 19 vjet më parë u vranë mizorisht 147 shqiptarë.

“Në mesin e tyre kishte edhe shumë gra e fëmijë. Ky gjenocid i regjimit serb të Millosheviqit e tronditi botën demokratike, e cila kishte nisur fushatën e bombardimeve mbi caqet serbe”, ka thënë presidenti, përcjell albinfo.ch.

Ndërsa Haradinaj, ka thënë se masakra në Izbicë është dëshmi e një historie të dhimbshme në Kosovë, të vrasjeve dhe dhunës, por njëkohësisht një përpjekje e pandalur dhe këmbëngulëse e popullit të Kosovës për liri.