Përqindje më e vogël e daljes në zgjedhje

Krahasuar më zgjedhjet e 12 dhjetorit vërehet një numër më i vogël i daljes së qytetarëve në zgjedhje. Nuk raportohen shkelje serioze

Sipas njoftimeve që ka dhënë Komisioni Qendror Zgjedhor në konferencën e dytë për media, deri në orën 12:00 në  Skenderaj kishin votuar 14. 40 % të trupit zgjedhës, në Deçan 11.25 %, në Drenas 16. 49 %,  në Lipjan 17. 70 %, dhe në Malishevë 11.36 %.

Me këtë rast Kryetarja Valdete Daka ka thënë se të dhënat janë preliminare të marra nga komisionet komunale zgjedhore. Ajo ka thënë së krahasuar më zgjedhjet e 12 dhjetorit vërehet një numër më i vogël i daljes së qytetarëve në zgjedhjeve. Sipas saj nuk raportohen incidente që do të dëmtonin procesin në mënyrë serioze.

Kryetarja e KQZ ka përmendur parregullsi të caktuara, kur, sipas saj, disa persona me dokumente të vjetra identifikimi kanë tentuar të hyjnë nëpër qendrat e votimit.

Konferenca e radhës së KQZ-së do të mbahet në orën 17:00, ku do të njoftohet për numërin e daljes në zgjedhje deri në orën 16:00.