Përshtypjet e ukrainases për Kosovën

Më pëlqen kur këndohet shqip

Gazetarja ukrainase, Daria Meshcheriakova, prej afro një muaji po qëndron në Kosovë, përcjell albinfo.ch.

Ajo ka një intervistë për mediet kosovare, ku ka folur më shumë për jetesën në Kosovë, artin e kulturën, si dhe për atë se çfarë nuk pëlqen atje.

Meshcheriakova thotë se kjo nuk është hera e parë që vjen në Kosovë, por që nuk pëlqen situatën me mbeturinat në rrugë.

Ndër të tjera ajo shprehet se i pëlqen shumë muzika kosovare dhe në veçanti këngëtarja Era Istrefi.

“Kam dëgjuar muzikë kosovare që nga vitit 2011. Njoh shumë artistë nga Kosova dhe këngët e tyre i kam në ‘playlist’-ën time. Këngëtarja ime e preferuar është Era Istrefi. Më pëlqen më së shumti kur ajo këndon shqip. Mund ta mësoj gjuhën më mirë në këtë formë”, u shpreh Meshcheriakova. /Albinfo.ch

 

 

 

 

 

 

---