Pezullohet greva e specialistëve të kirurgjisë

Ky pezullim i grevës është arritur pas takimeve të vazhdueshme të mjekëve me ministrin e Shëndetësisë Uran Ismaili dhe  Basri Sejdiun, Ud. drejtor  i përgjithshëm SHSKUK

Specialistët e klinikave kirurgjikale në QKUK e kanë pezulluar grevën e nisur dy ditë më parë. Sipas njoftimit, ky pezullim i grevës është arritur pas takimeve të vazhdueshme të mjekëve me ministrin e Shëndetësisë Uran Ismaili dhe  Basri Sejdiun, Ud. drejtor  i përgjithshëm SHSKUK.

“Në takim është arritur marrëveshja që greva të pezullohet dhe mjekët të jenë pjesë e grupeve punuese që do të punojnë në kategorizimin e pagave që do të ndodhë me Ligjin e ri të pagave, pas rishikimit të buxhetit”, thuhet në njoftim.

Ndërkaq, gjatë paradites kirurgët e Spitalit të Ferizajt njoftuan se do t’i bashkohen kësaj greve të punëtorëve të QKUK-së, të cilët kërkojnë rritje pagash.