‘Pfizer’ aplikon për përdorim urgjent të vaksinës në SHBA

Pfizer tha se do të aplikojë te rregullatorët shëndetësorë të SHBA-së të premten për autorizimin e përdorimit emergjent (EUA) të vaksinës së saj COVID-19, aplikimi i parë i tillë në një hap të madh drejt sigurimit të mbrojtjes kundër koronavirusit.

Aplikimi në Administratën Amerikane të Ushqimit dhe Barnave (FDA) vjen vetëm disa ditë pasi Pfizer dhe partneri gjerman BioNTech raportuan rezultatet përfundimtare të provës që treguan se vaksina ishte 95% efektive në parandalimin e COVID-19, pa ndonjë shqetësim të madh për sigurinë.

Aksionet e Pfizer u rritën me 1.6% dhe BioNTech u ngjit me 6% në lajmet se një vaksinë mund të jetë në dispozicion së shpejti, duke rritur shpresat për fundin e një pandemie që ka marrë më shumë se çerek milioni jetë në Shtetet e Bashkuara dhe mbi 1.3 milionë në gjithë botën, shkruan “Reuters”, përcjell albinfo.ch.