Pianistja nga Kosova, Anila Aliu, performancë në Puebla të Meksikës

Pianistja nga Kosova, Anila Aliu, para performancës së saj në Puebla të Meksikës kërkoi njohjen e Pavarësisë së Kosovës nga Mekisika. Anila shpreson që Kosova dhe Meksika të fillojnë bashkëpunimin, pasi që, siç shprehet ajo, dashuria dhe arti është gjithçka për të cilën kemi nevojë, përcjell albinfo.ch.

“Jam më se e lumtur që kam mundësinë të shkel në tokën e Meksikës që fatkeqësisht nuk e njeh Kosovën, Kosovën si një shtet të pavarur. Shpresoj që vendet tona do të mund të fillojnë të bashkëpunojnë për të qenë së bashku, ashtu siç jemi këtu, sepse paqja, dashuria dhe arti është gjithçka për të cilën kemi nevojë në këtë botë. Faleminderit”, tha Anila.

Kujtojmë se Anila ditët e fundit ka udhëtuar për në Mekisikë për të performuar në disa koncerte brenda tri javëve që do të mbahen në Meksikë.