Pica në Itali kushton 25 për qind më shumë

pixabay

Ndërsa çmimi i mocarelës dhe vajit të ullirit vazhdon të rritet, kostot e energjisë mbeten të larta, ushqimi “kombëtar” i Italisë, një nga klasikët italianë, pica Margherita, po bëhet më e shtrenjtë.

Sipas Bloomberg duke cituar të dhëna nga Istat (instituti italian i statistikave) dhe Ministria e Financave, përbërësit e nevojshëm për të bërë pjatën klasike napolitane u rritën me 25% në janar.

Bloomberg ia atribuon rritjen çmimit të picave, rritjes së çmimit të miellit, domateve, djathit mocarela, vajit të ullirit dhe sigurisht konsumit të energjisë elektrike.
Kostoja e blerjes së një pice është rritur 9.6% krahasuar me vitin e kaluar, duke e bërë këtë alternativë më të lirë se sa të bësh pica në shtëpi.

Kujtohet se ushqimi emblematik i Napolit, i cili u bë kombëtar dhe më pas universal, mori emrin e tij për nder të mbretëreshës Margaret të Savojës. Sipas legjendës, ajo u kënaq me makaronat e shoqëruara me domate dhe djathë të përgatitur për të nga një kuzhinier napolitan, si rezultat ky i fundit i dha emrin picës.