Pjesëtarë të FSK-së dhurojnë gjak

Aksioni për dhurimin vullnetar të gjakut do të vazhdojë në ditët në vijim në të gjitha njësitë e Forcës së Sigurisë

Aksionin vullnetar për dhurimin e gjakut në FSK e ka nisur ministri, Agim Çeku. Ai ka shprehur bindjen se krahas punëve tjera që bëjnë në shërbim të atdheut, tash pjesëtarët e FSK-së do t’i përgjigjen maksimalisht edhe këtij aksioni human.

Në bashkërendim me Qendrën Kombëtare të Transfuzionit të Gjakut të Kosovës dhe Kompanisë së Mjekësisë të FSK-së, ka nis aksioni vullnetar tashmë tradicional për dhurimin e gjakut në FSK.

Për menaxherin e Qendrën Kombëtare të Transfuzionit të Gjakut, Fadil Mahmutin, kjo ditë e dhurimit të gjakut në mesin e vullnetarëve të FSK-së është një aksion i mbarë.

Aksioni për dhurimin vullnetar të gjakut do të vazhdojë në ditët në vijim në të gjitha njësitë e Forcës së Sigurisë, ku shpresohet se do të ketë përgjigje pozitive nga pjesëtarët e kësaj force.