Platforma DFAE/EDA është përdorur shumë nga udhëtarët

Platforma për udhëtarët zviceranë “Itineris”, e cila u mundëson atyre të transmetojnë të dhënat e tyre për Departamentin Federal të Punëve të Jashtme ( DFAE/EDA), i cili mund t’i kontaktojë në rast emergjence, është vizituar shumë këtë verë. Që nga fillimi i punës së saj në qershor, më shumë se 10.500 persona janë regjistruar.

Për herë të parë alarmet SMS janë testuar javën e kaluar për shkak të konflikteve të armatosura që ndodhin në malet e Pamir-it në Taxhikistan.  DFAE/EDA i ka “informuar rregullisht për situatën e tanishme” zviceranët që ndodhet në këtë vend të Azisë Qendrore”, ka bërë të ditur të dielën zëdhënësi Pierre-Alain Eltschinger.

Platforma “Itineris” u mundëson udhëtarëve zviceranë të regjistrohen dhe të japin informacione, duke dhënë detajet e itinerarit të tyre. Me këto informacione, zëdhënësi mund t’i njoftojë ata për zhvillimet e vendit ku ata ndodhen, si dhe t’i kontaktojë në rast urgjence, si për shembull, në raste të konflikteve ose të fatkeqësive natyrore.

Nëpërmjet telefonit

Për më tepër, në fillim të vitit 2011 zëdhënësi ka krijuar edhe një linjë telefonike të urgjencës për problemet e ndryshme që mund t’ iu ndodhin zviceranëve jashtë vendit. Gjatë vitit 2012 kjo linjë ka regjistruar një mesatare prej 2,500 telefonatave në muaj, dy herë më shumë se një vit më parë. Në korrik të këtij viti janë regjistruar 3000 thirrje, theksoi Pierre-Alain Eltschinger.

Në shumicën e rasteve thirrjet e zviceranëve kanë të bëjnë me humbjen e dokumenteve të udhëtimit ose me aksidente të ndryshme, por gjithashtu këto thirrje bëhen për të bërë pyetje rreth formaliteteve për marrjen e një vize.