Plot rezerva ushqimore nga frika e kaosit

Disa qytetarë zviceranë mbushin bodrumet e tyre me ushqime në rast se i prek kriza e madhe ekonomike

E përditshmja “20Minutes” vështron se afro 10% të zviceranëve kanë rezerva ushqimore të mjaftueshme për të jetuar disa muaj.

“Unë kam ruajtur oriz, makarona, uthull dhe vaj. Rezervat e mia janë të fshehura mirë, në mënyrë që njerëzit e tjerë të mos t’i gjejnë dhe të mos mund t’i vjedhin”, shpjegon Sandro B.

Gazetari vështron se raste të tilla janë të shumta. Personat në fjalë grumbullojnë ushqim në bodrume, sepse kanë shqetësime të ndryshme: rënia e tregjeve financiare, fatkeqësitë natyrore apo kaosi social. Sipas llogarive të Sandro-s, këto rezerva duhet të mundësojnë që ai të mbijetojë një muaj. “Shumë gjëra nuk po shkojnë mirë në këtë botë. Euro ka rënë, centralet bërthamore nuk kontrollohen më, bile ushqimet më sjellin një lloj sigurie”, thekson ai.

Zyra Federale për Furnizim Ekonomik Kombëtare këshillon që secili të ketë në shtëpi gjithmonë një rezervë të vogël ushqimi në rast situate të jashtëzakonshme . Kjo zyrë cek produktet në vijim: 9 litra ujë, vaj dhe oriz të konservuar, në mënyrë që secili të arrijë të mbijetojë për shtatë ditë. Rezerva të tilla janë të dobishme për t’u përballur me një situatë të pazakontë.

Edhe nëse këta njerëz shpesh trajtohen sikur të jenë paranoikë, një studim i kryer nga “Coopération (Bashkëpunimi)” tregon se 75% e zviceranëve kanë rezerva për të ngrënë në shtëpi për disa ditë.