Skip to content

Podgoricë: Protestohet nën sloganin “Putini është vrasës”

Foto nga Twitter: Roman M

Në qendër të Podgoricës, kryeqytetit të Malit të Zi, nën sloganin “Putini është vrarës” sot është zhvilluar një protestë kundër presidentit të Rusisë, Vladimir Putin, shkruan albinfo.ch.

Dhjetëra persona u mblodhën në sheshin qendror të Podgoricës, duke mbajtur në dorë pankarta që kërkonin lirimin e liderit opozitar rus, të burgosur, Alexei Navalny.

Kjo protestë ishte pjesë e një fushate të organizuar nga ekipi i Navalny në gjithë botën me sloganin “Putini është vrasës”, protesta që po mbahen për ta shënuar trevjetorin e tentim vrasjes të Navalny, për çka ai ishte evakuuar nga Rusia në Gjermani për t’u shëruar nga helmimi me një agjent nervor të epokës sovjetike.

Më 17 gusht, SHBA-ja i sanksionoi katër rusë, për të cilët thuhej se ishin të përfshirë në helmimin e Navalny, dhe të cilët janë të lidhur me Shërbimin Federal të Sigurisë së Rusisë.

Kremlini e ka mohuar përfshirjen në helmimin e Navalny, i cili u arrestuar pasi u kthye në Moskë nga Gjermania në janar të vitit 2021.

Opozitarit rus, Alexei Navalny, i janë shqiptuar dy dënime me burg, me 11 vjet dhe 19 vjet, nën akuzat për ekstremizëm dhe përvetësim.