Polici Izet Demaj shpallet “Hero i Kosovës”

Presidenti i Kosovës, Hashim Thaçi, njofton se ka marrë vendim që ta shpallë “Hero të Kosovës” policin e rënë në detyrë, Izet Demaj. Presidenti këtë vendim e ka marrë, duke u bazuar në nenin 84 të Kushtetutës.

Urdhri “Hero i Kosovës” u jepet personave që kanë bërë vepra trimërie dhe sakrifice, si dhe që kanë dëshmuar veprimtari ose akte të guximit qytetar në kohë lufte apo paqeje, përcjell albinfo.ch

Vendimi, çertifikata dhe urdhri “Hero i Kosovës” do t’i dorëzohen familjes Demaj. Polici Izet Demaj, u qëllua për vdekje gjatë një plaçkitjeje që ndodhi në fund të vitit të kaluar në Istog.