Policia për një muaj ndau 30 mijë gjoba trafiku

Me gjobë deri në 500 euro janë ndarë 28513 tiketa, me gjoba deri 1000 euro janë ndarë dhjetë tiketa, ndërsa për gjykatë ishin 1856 raste

Policia e Kosovës ka njoftuar se për një muaj në vitin 2018 ka ndarë mbi 30 mijë tiketa trafiku.

Prej 1 deri më 31 janar, policia ka njoftuar se ka ndarë 30378 gjoba.

Me gjobë deri në 500 euro janë ndarë 28513 tiketa, me gjoba deri 1000 euro janë ndarë dhjetë tiketa, ndërsa për gjykatë ishin 1856 raste.

Në raportin mujor, policia ka njoftuar se ka bërë ndalimin e 590 rasteve për drejtimin e mjetit me veprim motorik me afate të ndryshme kohore.

“Policia e Kosovës vazhdon të kërkojë dhe njëherit të apelojë tek të gjithë pjesëmarrësit në trafikun rrugor që të ju përmbahen dispozitave ligjore, të rritet vigjilenca, të shtohet kujdesi në respektimin e rregullave që dalin nga ligjet e trafikut, për të garantuar një siguri më të madhe, me qëllim të shmangies së aksidenteve rrugore në tërësi e në veçanti të atyre me pasoja fatale.

Policia e Kosovës, edhe pse nuk ka qëllim primar ndëshkimin, për të gjithë pjesëmarrësit në trafikun rrugor që bien ndesh me ligjet e trafikut do të vazhdojë të aplikojë ndërmarrjen e masave ligjore”, thuhet në njoftimin e Policisë.