Policia Speciale në Jarinjë, për t’u ndaluar hyrjen zyrtarëve serbë

Policia e Kosovës ka njoftuar se ka dërguar Njësitë Speciale në pikën kufitare të Jarinjës për të mos lejuar hyrjen në Kosovë të zyrtarëve serbë, ministrit të Brendshëm të Serbisë, Aleksandër Vulin dhe drejtorit të Zyrës për Kosovën, Marko Gjuriq.

Dy zyrtarëve serbë nuk u ka dhënë leje për vizitë Ministria e Punëve të Jashtme të Kosovës, ndërsa ata kanë thënë se nuk do ta respektojnë këtë vendim, përcjell albinfo.ch.

“Policia e Kosovës bazuar në  planifikimet e saja policore, në zbatim të vendimit të Ministrisë së Punëve të Jashtme për ndalim të vizitës në Kosovë të zyrtarëve serbë Vulinit dhe Gjuriqit, ka angazhuar njësi relevante policore për implementim të këtij vendimi. Policia e Kosovës, me qëllim të zbatimit të vendimit zyrtar të autoriteteve shtetërore, ka angazhuar njësi relevante policore të cilat do të veprojnë konform situatës në raport me vendimin e MPJ-së së RKS-së”, thuhet në njoftimin.

Policia thotë se hyrja do u lejohet vetëm personaliteteve të cilët do të kenë leje zyrtare të autoriteteve të shtetit.