Policia zvicerane nis një hetim penal për vozitësin britanik

EPA/HENDRIK SCHMIDT

Një turist nga Britania e Madhe kohët e fundit u godit dy herë brenda një nate ndërsa po ngiste “me një shpejtësi jashtëzakonisht të madhe” nëpër Vaud, përcjell albinfo.ch.

Britaniku fillimisht u kap me shpejtësi 200 km/orë në autostradën A1, ku shpejtësia e kufizuar është 120 km/h, dhe më pas me 176 km/h në një zonë 100 km/h, njoftoi policia kantonale e Vaud të martën.

“Menjëherë pas kësaj, shoferi ka përplasur makinën e tij në autostradën A9 pranë Montreux dhe është larguar nga vendi i aksidentit”, njofton policia.

Automjeti i tij i dëmtuar, i regjistruar në MB, u gjet i parkuar në një rrugë në Montreux dhe u tërhoq.

Ndërkohë, shoferi kishte kontaktuar policinë dhe kishte denoncuar makinën e tij të zhdukur. Ai është arrestuar me shpejtësi dhe kundër tij është ngritur rast në prokurori.

Burri thuhet se thjesht po “kalonte” përmes Zvicrës, por tani ai do të qëndrojë këtu më gjatë se sa ishte planifikuar.