Pozita në Kosovë: Me bojkot nuk shkohet askund

Pozita ka thënë se me bojkot nga opozita nuk shkohet askund.

Shefi i Grupit Parlamentar të Nismës, Bilall Sherifi,  ka thënë se me dështimin e seancës së jashtëzakonshme të ftuar nga opozita për të ndaluar negocimin e kufijve në dialogun me Serbinë, opozita mori mesazhin e duhur.

E shefi i Grupit Parlamentar të PDK-së, Memli Krasniqi, i ka kritikuar partitë opozitare që nuk kanë marrë pjesë në seancën e thirrur nga Qeveria e Kosovës për emërimin e ekipit negociator.

Ai ka thënë se shpreson që në mbledhjen e Kryesisë së Kuvendit të vijnë të gjithë dhe të diskutohet për ekipin negoicator dhe pikat e tjera.

Mes tjerash, ai ka theksuar se Kushtetuta e Kosovës e garanton sigurinë e kufijve të Kosovës dhe një gjë të tillë nuk ka pse ta parashohë një rezolutë e Kuvendit. Sipas tij, duhet të krijohet një rezolutë shumë më gjithëpërfshirëse.

Ndërsa, Ahmet Isufi i AAK-së ka thënë se janë të gatshëm të bashkëpunojnë që të kompletohet ekipi negociator.

HPor, ka shtuar se edhe një herë u tregua qartë se me bojkot nuk arrihet askund.

---