Premtohet fond mbështetës edhe për shqiptarët e Malit të Zi

Kosova në kuadër të bashkërendimit të aktiviteteve me Shqipërinë për të ndihmuar shqiptarët që jetojnë jashtë kufijve të Kosovës e Shqipërisë, po synojnë të ngrisin një fond të përbashkët edhe për shqiptarët e Malit të Zi, raporton Albinfo.ch.

Kjo u bë e ditur nga ministrja e jashtme dhe diasporës e Kosovës, Meliza Haradinaj Stublla pas një takimi që pati me Kryetarin e Federatës Pan-Shqiptare “Vatra”, Elmi Berisha. Me këtë rast ata nënshkruan edhe një memorandum.

“Firmosja e këtij memorandumi konkretizon dëshirën e vullnetin e madh që kanë shqiptarët – për promovimin e vlerave dhe interesave legjitime të shqiptarëve.
Mbi të gjitha, sot lidhëm Besën dhe Fjalën me “Vatrën” tonë, për t’u bashkuar në besimin e palëkundur për të qëndruar drejtë e të guximshëm edhe kur kohërat nuk janë të lehta”, thuhet në njoftimin e zyrës së ministres Haradinaj.