Presidenti i Maqedonisë së Veriut ka organizuar pritje në nderim të qeverisë së re

Foto FB: Stevo Pendarovski

Presidenti i Maqedonisë së Veriut, Stevo Pendarovski ka organizuar sot një pritje në nderim të qeverisë së sapozgjedhur në krye me Talat Xhaferin.

Përmes një postimi në rrjetin social “Facebook”, Pendarovski u ka uruar funksionimin efikas dhe mbarëvajtje të suksesshme të zgjedhjeve të ardhshme, transmeton albinfo.ch.

“Urime për zgjedhjen e qeverisë kalimtare. Uroj funksionim efikas dhe mbarëvajtje të suksesshme të zgjedhjeve të ardhshme”, ka shkruar Pendarovski.