Presidenti Meta pritet ngrohtësisht nga shqiptarët e Medvegjës

“Sot është një ditë shumë e bukur për mua. Kënaqësi që erdha në Medvegjë”, tha Meta

Dhjetëra shqiptarë i kanë bërë një pritje të ngrohtë presidentit të Shqipërisë, Ilir Meta në Medvegjë, komunë kjo e banuar me shqiptar në Serbinë Jugore. Në pikën kufitare Muitvodë, Meta u prit nga kryetari i trupës koordinuese për Preshevën, Bujanocin dhe Medvegjën si dhe me kryetarin e Medvegjës, Nebojsha Arsiq.

“Sot është një ditë shumë e bukur për mua. Kënaqësi që erdha në Medvegjë”, tha Meta.

Ndërkohë, vizita e Presidentit Meta është shoqëruar nga një interesim i madh i medieve serbe. Meta është kryetari i parë shqiptar që viziton Medvegjën, ndërsa para tij në Preshevë e Bujanoc ka qëndruar kryeministri Edi Rama.

Ndryshe nga Presheva dhe Bujnaoci që janë të dominuar nga shqiptarët, në Medvegjë kanë mbetur vetëm një numër simbolik i shqiptarëve. Shumica janë shpërngulur në Kosovë. Rama nesër dë të jetë në Gjilan për të zbuluar shtatoren e tribunit popullor, Idriz Seferi.