Presidenti Thaçi, pjesëmarrës në takimin e liderëve evropianë në Davos

Presidenti i Kosovës, Hashim Thaçi ka marrë sot pjesë në takimin e liderëve të Evropës, i cili është mbajtur në kuadër të Forumit Ekonomik Botëror, që po mbahet në Davos të Zvicrës.

Siç njofton edhe presidenti i Kosovës, Hashim Thaçi, takimi i cili është udhëhequr nga presidenti i Forumit Ekonomik Botëror, Børge Brende ka mbledhur liderët të ndryshëm të shteteve evropiane dhe liderë të Ballkanit Perëndimor.

Thaçi ka treguar se në këtë takim është biseduar edhe për rolin e Evropës në botë dhe për bashkëpunimin tonë të mundshëm për ta bërë një Evropë më të zhvilluar, më të fortë dhe më moderne.

“Gjatë ditës do të jem pjesëmarrës në sesionet e tjera të forumit dhe do të zhvillojë takime bilaterale edhe me përfaqësues të shteteve të ndryshme”, ka shkruar Thaçi në “Facebook”.