Presidenti i Zvicrës, Alain Berset, uron Thaçin për dhjetëvjetorin e pavarësisë

(KEYSTONE/Peter Klaunzer)

Presidenti i Zvicrës, Alain Berset, i ka dërguar telegram urimi presidentit të Kosovës, Hashim Thaçi, me rastin e shënimit të dhjetëvjetorit të shpalljes së pavarësisë së Kosovës.

“Ju mund të jeni të sigurt për përkushtimin e Zvicrës për thellimin e besimit dhe miqësisë reciproke me Republikën e Kosovës dhe shpresojmë që marrëdhëniet tona të lulëzojnë në vitet në vijim.

Ju lutem, pranoni, Shkëlqesia Juaj, shprehjen e konsideratës sime më të lartë”, thuhet në urimin e presidentit Berset.