Presidentja Osmani dekoron nesër Kombëtaren e Futbollit të Kosovës

Presidentja e Kosovës, Vjosa Osmani, do t’i ndajë nesër dekorata ekipit kombëtar të futbollit, duke njohur kontributin e tyre për sportin dhe shpresën që po i japin popullit të Kosovës. Ky nderim vjen pavarësisht rezultatit të ndeshjes së nesërme të ekipit kundër Turqisë për kualifikimet e Kampionatit Botëror.

Në fjalimin e saj, Osmani tha se dekoratat përveç mirënjohjes simbolizojnë sakrificën dhe guximin e qytetarëve që nuk u dorëzuan për liri dhe pavarësi. Ajo theksoi se kombëtarja ka bërë histori dhe meritojnë të nderohen për kontributin e pamatshëm dhe shpresën që po japin për qytetarët e Kosovës.

Ceremonia e ndarjes së dekoratave po mbahet këtë muaj, ku janë nderuar mbi 200 personalitete nga sporti, arsimi, shëndetësia, arti, kultura dhe shërbimet publike.