Presidentja Sommaruga i drejtohet kombit me fjalimin e Vitit të Ri

Ajo me këtë rast ka përdorur furrën ku merr bukën, si metaforë. Nga kjo furrë ka mbajtur edhe fjalimin tradicional të Vitit të Ri

Ein gutes Jahr ist wie ein gutes Brot. Gesund und knusprig. Ein Vorgeschmack auf die Neujahrsansprache 🙂 pic.twitter.com/UQdo0JMGGc

— Simonetta Sommaruga (@s_sommaruga) January 1, 2020

 

Në fjalimin e saj për Vitin e Ri, Presidentija e Konfederatës së Zvicrës, Simonetta Sommaruga, ka theksuar rëndësinë e përmirësimit të jetës për të tjerët. Ajo me këtë rast ka përdorur furrën ku merr bukë, si metaforë. Nga kjo furrë ka mbajtur edhe fjalimin tradicional të Vitit të Ri, shkruan srf.ch.

Sommaruga është shprehur e lumtur që të gjithë në këtë vend mund të sigurojnë bukën si një element kryesor të ushqimit, transmeton albinfo.ch. Por ajo  ka shprehur po ashtu dëshirën që çmimi të jetë i volitshëm për ata që mbjellin dhe korrin grurin. Çmimi gjithashtu duhet të kontribuojë për jetën në planet. Sepse secili dëshiron që edhe nipërit dhe mbesat të mund të urojnë “es guets Nöis” (Urime Viti i Ri, në dialektin zviceran të gjermanishtes).

Në fakt, të gjithë e dinë, sipas presidentes federale se: “Në mënyrë që ne të jemi vërtet të mirë, të tjerët duhet të jenë gjithashtu të mirë”.

Siç dihet, duke filluar nga sot, Simonetta Sommaruga është Presidente Federale e Zvicrës, shkruan albinfo.ch. Këshilltarja Federatle nga SP do të përfaqësojë Zvicrën si shtet për një vit.

Këshilltari Federal SVP, Ueli Maurer, ka mbajtur këtë detyrë vitin e kaluar. Sipas një rregulloreje, këshilltarët federalë marrin përsipër detyrën e Presidentit Federal në rotacion. Sommaruga ishte presidente federale edhe në vitin 2015.
Sommaruga është arsimuar si pianiste në Konservatorin e Lucernit, por nuk ka bërë karrierë koncertale. Në vitin 1999 ajo ishte zgjedhur deputete në Parlament.

---