Princesha e Japonisë shtyn martesën “për shkak të kohës jo të lirë”

Princesha Mako e Japonisë ka shtyrë martesën e saj deri më 2020 për shkak të kohës së shkurtër të lirë që të planifikojë dasmën.

26-vjeçarja, mbesa e Perandorit Akihito kishte njoftuar që të martohej me Kei Komuron në muajin nëntor.

Çifti e dha njoftimin për shtyrje për shkak të “kohës së shkurtër të lirë që të bëjë përgatitjet e duhura”.

“Më vjen keq që kam shkaktuar tollovi të madhe dhe ngarkesë shtesë për ata që kanë ndihmuar sinqerisht në dasmën tonë”, citohet të ketë thënë princesha, transmeton Albinfo.ch.

Ajo pritet që të humbë titullin e saj kur të martohet me Komuron, që nuk vjen nga ndonjë familje mbretërore.