Prishtina Gastronomy Festival zbulon programin dyditor

Nën moton “Bukë e kripë e zemërbardhë”, gjatë datave 13 dhe 14 korrik në Prishtinë do të mbahet Festivali i Gastronomisë Shqiptare, shkruan albinfo.ch.

Për këtë festival që do të mbahet në sheshin “Zahir Pajaziti”, janë planifikuar aktivitete të ndryshme, ku do të marrin pjesë kuzhinierë e arkitektë të njohur shqiptarë.

Njëherësh do të mbahen forume të ndryshme lidhur me gastronominë, promovime librash, e po ashtu gara për ngrënien më të shpejtë.

Në një intervistë të mëhershme për albinfo.ch, organizatorët kanë thënë se ky festival vjen si nevojë e promovimit të recetave dhe produkteve mbarëkombëtare shqiptare, si një nga elementet e ruajtjes së identitetit kombëtar.

“Synimi kryesor i festivalit është njohja e gastronomisë mbarëkombëtare dhe nxitja e shkëmbimit të përvojave mes kuzhinierëve kombëtarë shqiptarë, të cilët operojnë në mbarë botën. Po ashtu edhe lidhja e këtyre ndërmarrësve me prodhuesit vendorë të ushqimeve”, kanë thënë ata.

Pas Prishtinës, një festival i ngjashëm do të mbahet edhe në Gjermani. Gjatë datave 18 dhe 19 nëntor, në Arena Hall në Berlin, Festivali i Gastronomisë Shqiptare do të mbledhë gastronomë shqiptarë dhe të huaj, duke e promovuar kuzhinën dhe kulturën shqiptare.

Programin dy ditor të festivalit në Prishtinë, e gjeni këtu:

https://www.facebook.com/permalink.php?story_fbid=388928208406876&id=346879785945052&__xts__[0]=68.ARD35C7rN24EBX7Q06CFMkl2Tjx6I-z4svntI2nDrFg5MaPEesm8FLYQnp_y_dR1awQjJ5rrQdQ5m15POgVKdtwr-bHT1hMjbPMXeATrAkjBZoxkzuHXggw4l2uYVrzKlJkGJDVjz2zLnzDfdHJR6dmdvKDrHwmCqOmR7K-5IMTO6tVVe7c0XmUXhdbpM1UNtOrrTtJgEng2r-MGCnbzAuKZbzZkrvnKfC724yrn6yos7ekWiORMLm3lGwzQO4m39xpxN4NKC7YV4gLDzJigYB4LdGgkBujh3ayE4-cJ4bew9pbkm3sElZ5OeLdSSAhVxgduhNkU7JUgpfXXDcSMpsY&__tn__=-R