Prishtina mirëpret edicionin e 6-të të festivalit të kafes dhe çajit

Javën tjetër, për tre ditë radhazi, me 11, 12 dhe 13 tetor, Prishtina do ta mirëpres edicionin e 6-të të festivalit të kafes dhe çajit.

Pas dy vjet pandemie, rikthehet aroma e kafes dhe çajit në sheshin “Zahir Pajaziti”, Prishtinë, përcjell albinfo.ch.

Javën tjetër, për tre ditë radhazi, me 11, 12 dhe 13 tetor, Prishtina do ta mirëpresë edicionin e 6-të të festivalit të kafes dhe çajit.

Në një komunikatë për media bëhet e ditur se hapja zyrtare do të bëhet të martën më 11 tetor dhe orari do të zgjasë nga ora 10:00 deri në ora 21:00.

Risi në këtë edicion do të jetë pjesëmarrja për herë të parë e 5 brendeve të reja (kafes dhe çajit), duke ngritur, si asnjëherë më parë, numrin në 30 të brendeve pjesëmarrëse.

Të gjithë vizitorët do të kenë mundësi për t’u njohur me programet e kafes dhe çajit si dhe për t’i degustuar, pse jo të gjitha brendet prezente në një vend.

Për argëtimin e vizitorëve, do të përkujdeset atmosfera e krijuar  nga performimi i solo këngëtarëve me muzikë të lehtë – jo të zhurmshme, si dhe DJ-ve të njohur vendorë.

 

---