Konventa e 9-të e Industrisë së Drurit do të mbahet më 26 nëntor 2026 në Prishtinë, duke bashkuar përfaqësues të sektorit të drurit të Kosovës me partnerë ndërkombëtarë, shkruan albinfo.ch.
Sipas njoftimit të Shoqatës së Përpunuesve të Drurit të Kosovës – Wood Cluster (SHPDK), aktiviteti do të zhvillohet në Hotel Emerald, në sallën Beethoven, nga ora 09:30 deri në orën 17:00.
Programi përfshin një ekspozitë me produkte dhe inovacione të industrisë, panele diskutimi për shkëmbimin e përvojave, si dhe takime ndërmjet bizneseve (B2B), që synojnë krijimin e kontakteve dhe partneriteteve të reja.
Pjesë e konventës do të jetë edhe gara studentore për dizajn, “Wood Design Challenge”, përmes së cilës do të prezantohen ide dhe talente të reja.
Organizatorët ftojnë të marrin pjesë prodhues, arkitektë, profesionistë të industrisë dhe të gjithë të interesuarit për bashkëpunim me sektorin e përpunimit të drurit në Kosovë.
Të interesuarit mund të regjistrohen përmes platformës së konventës. Për informata shtesë, mund të kontaktojnë organizatorët në adresën info@kosovowood.org ose në numrin +383 44 122 697.
