Priten reshje të dendura shiu këtë javë në Zvicër

Shiu do të shoqërohet edhe me erëra të forta

Pas një periudhe të gjatë pa shi, në Zvicër deri në fund të javës priten reshje nga 40 deri në 70 milimetra, sipas parashikimit të MeteoNews, përcjell albinfo.ch.

Shiu do të shoqërohet me erëra të forta, me shpejtësi nga 50 deri në 80 km/h në fushë, megjithëse temperaturat do të mbeten të buta për sezonin, midis 10 dhe 15 gradë celsius.

Ndërsa shiu mund të mos jetë ideja e të gjithëve për motin pranveror, ai është i nevojshëm për t’u “dhënë pak kohë burimeve dhe ujërave nëntokësore, si dhe akullnajave”, tha meteorologu i MeteoNews, Vincent Devantay.

---