BE pritet të japë 300 miliardë euro për pavarësimin nga gazi rus

EPA/CHRISTOPHE KARABA

Në kuadër të angazhimeve për t’u pavarësuar nga gazi rus, BE po synon të investojë miliarda euro.

BE do të duhet të investojë deri në 300 miliardë euro deri në vitin 2030 për t’u bërë e pavarur nga importet ruse të energjisë. Kështu deklaroi sot presidentja e Komisionit Evropian, Ursula von der Leyen, transmeton Albinfo.ch.

“Duhet të zvogëlojmë varësinë tonë nga karburantet fosile ruse sa më shpejt të jetë e mundur”, tha Von der Leyen.

Ky plan, sipas saj, do të ndihmojë në kursimin e energjisë, diversifikimin e importeve të energjisë dhe përshpejtimin e largimit të lëndëve djegëse fosile.