Pritje në mbrëmje, pritje në mëngjes

Mërgimtarët vazhdojnë të ballafaqohet me pritjet në pikëkalimet kufitare të Kosovës

Qendra Kombëtare për Menaxhim Kufitar ka njoftuar se sot kolona janë shkaktuar në pikalimin kufitar te “Dheu i Bardhë”, në hyrje deri në 150 metra, ndërsa në dalje deri në 200 metra. Pritjet në këtë pikë kalimi janë deri në 40 minuta.

Gjithashtu kolona deri në 100 metra në hyrje, ka edhe në pikë kalimin kufitar në Merdare, ndërsa pritjet janë deri në 40 minuta, përcjell albinfo.ch.

Ndërkohë, në pikë kalimin kufitar në Vërmicë kolonat në hyrje dhe në dalje janë deri në 30 metra, kurse pritjet deri në 10 minuta.

Në pikë kalimin Qafë e Morinës janë shkaktuar kolona në hyrje deri në 50 metra, kurse pritjet janë deri në 10 minuta.

Derisa në pikë-kalimet e tjera kufitare, qarkullimi zhvillohet normalisht dhe pa pritje të gjata.

Qytetarët që ia mësyjnë kufirit mund të infromohen për pritjet në faqen zyrtare të Qendrës Kombëtare për Menaxhim Kufitar apo edhe në rrjetet sociale.

 

---