Pritje të gjata në pikëkalimet kufitare Kosovë-Serbi, kolona mbi 1 km

Bashkatdhetarët që po kthehen në vendet ku jetojnë po vazhdojnë të përballen me pritje të gjata në kufirin ndërmjet Kosovës dhe Serbisë.

Bashkatdhetarët që po kthehen në vendet ku jetojnë po vazhdojnë të përballen me pritje të gjata në kufirin ndërmjet Kosovës dhe Serbisë.

Deri në 1 kilometër e 200 metra është krijuar kolonë në dalje nga Kosova në pikën kufitare me Serbinë në Merdarë.

Sipas të dhënave të fundit të Qendrës Kombëtare për Menaxhim Kufitar, pritjet në dalje nga Kosova në këtë pikë kufitare po zgjasin deri në 2 orë e gjysmë, ndërsa për të hyrë në Kosovë pritjet po zgjasin deri në 15 minuta, raporton Albinfo.ch

Edhe te Dheu i Bardhë pritjet për dalje nga Kosova po zgjasin deri afër dy orë teksa kolona e automjeteve është 500 metra.

Pritje deri në një orë ka edhe në pikën kufitare në Jarinë, ndërsa në pikëkalimet tjera kufitare nuk ka pritje të qytetarëve për të hyrë apo për të dalë nga Kosova./Albinfo.ch/

---